Kagiatan Barudak SDN 2 Sukamanah Kalawan Faber-Castell
Kemis, 15 Mei 2025

Dina poé Kemis, kaping 15 Mei 2025, sakumna murid ti kelas 1 nepi ka kelas 6 SDN 2 Sukamanah milu kagiatan anu kacida mangpaatna anu digagas ku pihak Faber-Castell. Kagiatan ieu dipuseurkeun kana ngaronjatkeun kréativitas barudak dina widang seni, utamana dina gambar jeung ngagunakeun rupa-rupa alat tulis.

Barudak kacida sumangetna, sabab salian ti diajar gambar jeung nyieun karya seni, maranéhna ogé meunang kasempetan pikeun nyobaan langsung produk ti Faber-Castell saperti crayon, pensil warna, jeung spidol. Nu leuwih matak bungah deui, aya kagiatan lomba gambar nu matak ngaronjatkeun daya cipta jeung kapercayaan diri murid.

Kagiatan ieu henteu ngan saukur ngajarkeun teknik seni gambar, tapi ogé ngalatih barudak pikeun bisa gawé babarengan, ngatur waktu, sarta némbongkeun hasil karya sorangan kalawan percaya diri.

Pihak sakola ngucapkeun nuhun ka Faber-Castell anu geus mere kasempetan jeung pangalaman anu luar biasa pikeun barudak SDN 2 Sukamanah. Mugia kagiatan sapertos kieu tiasa lumangsung deui dina waktos nu bakal datang pikeun terus ngarojong kreatifitas jeung kamampuh murid dina widang seni.